குட்டீஸ் வோர்ல்ட்!

நம்ம எல்லோருக்குமே இருக்குற பொதுவான பிரச்சினைகள்! டென்ஷன்!
வேலைல டென்ஷன்! ஃபேமில டென்ஷன்! உள்ளே டென்ஷன்! வெளியே டென்ஷன்! இப்படி பல்வேறு டென்ஷன்!

இப்படி 1008 (அதென்ன 1008ன்னே எல்லாரும் சொல்றாங்கன்னு எதிர் கேள்வி வரக் கூடாது. சொல்லுறப்போ அனுபவிக்கணும், ஆராயக் கூடாது) டென்ஷன் இருந்தாலும் ஒரே ஒரு புன்னகை! அதுவும் அந்த பொக்கை வாய்ப்புன்னகை! போதும்! 1008 = -1008 ஆ மாறிடும்! அந்த அளவுக்கு பவர்ஃபுல்லான அந்த புன்னகை எங்கே இருக்கும்ங்குறீங்க? அடுத்த நிமிஷம் உற்சாகம் தொத்திக்கும்! மனசு இலேசாகிடும்!

காதலியின் புன்னகைதான்னு நினைச்சீங்கன்னா ரொம்ப தப்பு! ஏன்னா காதலியின் புன்னகைக்கு பின்னால எவ்ளவு செலவு இருக்கோன்னு மனசுக்குள்ளே பக்குன்னு ஒரு திகில் வந்து குந்திக்கும்!

அப்பேர்ப்பட்ட பொக்கை வாய்ப் புன்னகையை சிந்துற பொக்கிஷங்கள்தான் குழந்தைகள்! என்னோட முதல் தொகுப்பு குழந்தைப் பதிவர்கள் பத்தினது! அந்தக் குழந்தைகளோட உலகத்துல நாம நுழையணும்னா முதல்ல நாமும் குழந்தையா மாறிடணும்!

( நான் மாறிட்டேன், மேல இருக்குற படத்தைப் பாருங்க)

நான் இந்த வலையுலகத்துல சந்திச்ச முதல் குட்டிப்பையன்(சத்தியமா தல பாலபாரதி இல்லைங்க) மழலைச் சொல். "நா ஒரு சின்னப் பையன். குட்ட்ட்டிப் பையன். பெரியவங்க வருசக் கணக்குல 2002ல பிறந்தேன். எனக்குச் சிரிக்கப் பிடிக்கும்." இப்படித்தான் தன்னை அறிமுகப் படுத்திக்கிறார். இந்த வலைப்பூவுல ஒவ்வொரு பதிவும் படிக்கும்போது நேரடியா அந்தப் பொடிப் பயலோடவே இண்ட்ராக்ட் பண்ணுற மாதிரி ஒரு ஃபீலிங்க் வரும்!

அவரு என்னை சிபி சகா ன்னுதான் கூப்பிடுவார்! அவரோட பேச்சு நடைலயே அவரோட பதிவுகளும் இருக்கும்! பின்னூட்டங்களுக்கு அவர் போடுற பதில் நம்மகிட்டே பேசுற மாதிரியே இருக்கும்! இத்தனைக்கும் அந்தப் பயலோட புகைப்படமோ, நிஜப்பெயரோ இதுவரை அவனுடைய பெற்றோர்கள் வெளியிட்டதில்லை! தமிழ்மணத்துல லிட்டில் சூப்பர் ஸ்டாராக்கூட இந்த ஜாலித் தம்பி வலம் வந்திருக்காரு!

எல்லா பதிவுகளுமே அனுபவிக்கக் கூடியவைதான் என்றாலும் குறிப்பிட்ட பதிவுகளை இங்க தரேன்.

எனக்குக் கோவமா வருது (தோடா, இவருக்குக் கோவம் கூட வருதாம்)

என் கேள்விக்கென்ன பதில்? (ஹே, கேள்வியெல்லாம் கேக்குறாரு)

வாழைப் பழத் தோல் (இவரு கேக்குற கேள்வியைப் பாருங்க, குரங்கெல்லாம் தோலை எங்கே போடுமாம்?)

பொழுதொரு பேண்டேஜ் (விசனப் பட வைத்த பதிவு, பையனுக்கு கால்ல காயம் ஆகிடுச்சாம்)

சோர்வம் (புதுசு புதுசா தமிழ் வார்த்தை கண்டு பிடிப்பாரு)

கொழுக்கட்டைப் பாட்டு

தூக்கத்துலயும் கேள்வி கேப்பேன் (பார்ரா)

அடுத்த படியா வலையுலகில் நான் வாசிச்ச குழந்தைப் பதிவர் அஞ்சலி - ஒரு குட்டித் தோட்டம்.
நல்ல கதை எழுத்தாளர். தன்னோட மழலை எழுத்துக்களால் எழுதின "ஒரு காசில்லாத பிள்ளை" என்ற கதை ரொம்பவே ரசிக்க வைத்த ஒன்று!
தலைப்பு பிழையா இருக்கேன்னு அங்கயே ஒரு விவாதம் கூட நடந்தது! ஆனா குழந்தைகள் மொழியில பிழைகள் கூட ஒரு கவிதைன்னு முடிவுக்கு வந்தோம்!

அஞ்சலி கலந்துகொண்ட ஒரு பதிவர் சந்திப்பு(!?)

அஞ்சலியின் திரை விமர்சனம்

விடுமுறையில் பார்த்த வேறு இடங்கள்

அஞ்சலியின் குரல் பதிவுகள்

சிரிப்புப் பதிவுகள்


நெக்ஸ்ட் நாம பாக்கப் போறது குவைத் மழலைகள் என்ற பட்டாளம்! இவங்களைப் பத்தி நமக்கு அவ்வளவா அறிமுகம் இல்லை. பிரவீணா, விஷாலி, கிரித்திகான்னு மூணு பேரு சேர்ந்து அவங்க வரைஞ்ச படமெல்லாம் ஷோகேஷ் பண்ணி வெச்சிருக்காங்க! எதனாலயோ கொஞ்சம் பதிவுகளோட அப்படியே நிறுத்திட்டாங்க. (ஸ்கூல் போற டென்ஷனோ!?)

இவ்ளோ நேரமா மூத்த பதிவர்களைப் பத்தி பார்த்துட்டோம்! இனிமே நம்ம சமகால பதிவர்களைப் பார்ப்போமா...!

சபரி
ஆங்கிலத்துல எழுதினாலும் இவரோட கருத்துக்களை படிச்சி ரசிக்க முடியுது! இவரோட பதிவுகள் எல்லாமே இவரோட அம்மாவின் பார்வையில எழுதப் பட்டிருக்கு! இவரோட அம்மா யாருன்னா நம்ம வலையுலகத்துல பிரசித்தி பெற்ற கயல்விழி முத்துல்ட்சுமி! இவரோட விளையாட்டுக்கள், குறும்புகள், ஆர்வங்கள் பத்தி நல்லா எழுதி இருக்காங்க!

அடுத்த படியா "இது எங்க ஏரியா" ன்னு ஒரு டெரரா கெளம்பின குரூப்தான் குட்டீஸ் கார்னர், இந்த குரூப்லே அப்படி இப்படின்னு ஒரு சில பெரிசுகளும் கலந்துட்டு இருக்காங்க! இருந்தாலும் அந்த குரூப் அடிக்குற லூட்டி இருக்கே! பெரிசுகளுக்கெல்லாம் சரியான காம்படீஷன்னு சொன்னா அது இந்த குரூப்தான்!

இந்த குரூப்பைப் பத்தி தனித்தனியாச் சொல்லணும்னா எனக்கு ஒரு வாரம் பத்தாது! ஒவ்வொரு பதிவுமே கலக்கலா இருக்கும்! படிச்சிப் பார்த்து அனுபவிங்க!

• பேபி பவன்
• ஆஷிஷ் அம்ருதா
• அம்மு
• ஸ்ரிது
• பானுதேஜூ

இவங்களுக்கெல்லாம் ஒரு லீடர் இருக்காங்க! அவங்க டீம்க்கு அவங்கதான் சொர்ணாக்கா!

நல்லா கதை சொல்லுவாங்க

நிலா மொழி கற்க

என்னவெல்லாம் பேருன்னு பாருங்க இவங்களுக்கு

என்னாடா இந்த குரூப்லே உன் பிளாக்லே இருந்து மட்டும் ஸ்பெஷலா பதிவுகளை எடுத்துத் தரேன்னு பார்க்கிறியா?

ச்ச்ச்ச்ச்ச்ச்ச்ச்ச்செல்லாம் ஐ லவ் யூ!



(தலைப்பைப் பார்த்துட்டு யாராச்சும் ஏடாகூடாம எதிர்பார்த்து வந்திருந்தீங்கன்னா பிச்சிப்புடுவேன் பிச்சி!)